Yu kuch katre roshni ke chod aye the hum
Tumhare ghar ke kisi kone me ,, chipakar…..
Mujhe maloom hai
In beete salo ne
Thode badle hai mausam is baar tumhare liye
Par nayi dhoop chubti hogi kabhi
To unhe dhoondh lena,,,
Ye roshni hai isme ujala hai , tapish nhi

woh baarish ka halke se boondh ban itraana, woh hawa ka apne joko par khud rijh janna, kisi samandar par abhi yu lehre itrayi, ye mausam ne phir jo lee angrai

Intzaar

tum ana aur barasna mere nayno kii chat par, paudhe prem ke sajaye hai maine waha..

khwabo ki chaadar odi hai , aur halke se rakha hai haath mez par, tum ana to choo lena un haatho ko, mehnedi kii khusboo se sajaya rakha hai maine unhe ab tak..

darwajo ko apne rango me rang rakha hai, aur chaukhate sajayi hai apne geeto se, tum ana to khatkhatana haule haule se, neendo ko chupchap takiye ke neeche jagaye rakha hai humne

ye sab sirf tumhare intzaar me....

mai badalo ko thame dauri chali aongi, tum phoolo se saja lena chota sa aashiyana humara, sird mausamo me chunenge dhup ko uchi chotiyo par paharo kii, tum raat ko gungunana naam mera, ini anjaan benaam din aur raaato me saja lenge hum apne pyaar ko, jaise sajate hai gharoda apne ye panchiii aasmano se pare...

Mujhe zinda hee rakh

girti uthti takdiro ke faisalo ki keemat mat pooch

ye zamane ke tarazoo hai isme milawate bhi bahut hai

ye dekh abhi baki hai lahu ke daurne ka shor

mujhe har haal me jinda hee rakh

abhi abhi kudh parchaiye ne poocha hai mujhse mere hone ka sabab

usne kuch poocha hai yahi kafi hai

hai baki abhi jeene ki thodi see tapish aur

is tapish is garmahat me thodi der aur mujhe jeenda hee rakh

Thehrenge in raasto ke beech kabhi uske kadam bhi

ye soch uni galiyo me ghar kiraye par basa rakha hai

abhi abhi to zikr mera hua hai shayad

kisi ne poocha hai purana naam jo mera

kisi na kisi darwaze ko khatkhatayenge ab woh shayad 

is umeed mai hee sahi par mujhe jinda hee rakh.

dikhti hai talash meri har arzoo me

kisi bikhre hue sawaal ki tarah

woh koi to hai jo sambhal raha hai 

kitaab me purane phoolo ko

ye phool mere haatho se bhi shayad guzre hai

ishq ki woh kitaab abhi bheji hee unhe,

ek panne ke pade jane tak

mujhe har haal me jinda hee rakh